Biz tez-tez tələbələrimizin və məzunlarımızın uğur hekayələrini sizinlə bölüşürük, lakin eyni zamanda bu uğurların arxasında sevimli müəllimlərimizin titanik əməyi olduğunu az qala unuduruq. Bu gün sizə Rəqəmsal Dizayn kafedrasının müəllimi Orxan Mahmudlu haqqında danışmaq və çoxlarını maraqlandıran suala cavab vermək istəyirik: dizaynerlər üçün Adobe sertifikatı nəyə lazımdır?
Dizayn müəllimi olmaqda Sizi nə ruhlandırır və sizi ən çox nə məmnun edir?
Tələbələrlə işləməyi və zamanla onların uğurlu olduğunu, rəqəmsal sahəyə addım atıb bir məqsəd formalaşdırdıqlarını görmək məni bu sahədə müəllim/təlimçi olmağımın əsas səbəblərindən biridir deyə bilərəm. Xüsusəndə yeniyetmə və gənc tələbələrin bu sahəni öyrənib yerli xarici şirkətlərlə çalışması mənim üçün böyük stimuldur.
Tələbələrinizdə yaradıcılığı və dizayn tərzini necə inkişaf etdirməyə kömək edirsiniz?
Yaradıcılıq üçün faydalı olduğunu düşündüyüm kitab film animasiya/animelər tövsiyyə edirəm. Əlavə olaraq uğurlu və yaradıcı dizaynerlərin portfoliolarını araştırmağı məsləhət görürəm
Niyə Adobe-dən sertifikat almağa qərar verdiniz və öyrənmə prosesində məqsədləriniz nə idi?
Düşünürəm ki, bu sahəni tələbələr öyrədib onları dizayn bazarına hazırlayarkən biz müəllimlər hər tərəfli olaraq yetkin və təcrübəli olmalıyıq . Və bunun üçün də daim inkişaf etməli və tələbələrə əmin əllərdə olduqlarını hiss etdirmək üçün çalışmalıyıq. Ona görə də hazırda bu sahədəki ən prestijli sertifikatlardan olan Adobe sertifikatını almaq həm tələbələrim üçün faydalı həm də mənim üçün maraqlı təcrübə olacağını düşündüm.
Tədris və peşəkar təcrübənizə əsaslanaraq yeni dizaynerlərə hansı məsləhətləri verirsiniz?
Dizaynı sadəcə bir gəlir mənbəyi olaraq yox davamlı olaraq maraqlı və yeni biliklər öyrənə biləcəkləri, inkişaf edib qlobal bazara açıla biləcəkləri bir sahə olaraq görüb əsas məqsədlərinin daimi bir rutinlə irəliləmək olmasını məsləhət görürəm.Və əmin ola bilərlər ki, əllərindən gələni edib daim inkişaf etsələr uğurlu və istedadlı dizayner olmaq qaçınılmaz olacaq.